今年是楊冪劉愷威同女女「小糯米」的首個農曆新年，爺爺劉丹看着8個月孫女的自然開心，年前就張揚會帶孫女見親戚派利是。豈料楊冪感冒，不但婉拒親友上劉宅拜年，更以流感肆虐爲由，禁止小糯米出外拜年，劉丹局向親友開空頭支票。
劉愷威亦認老婆對女兒十級緊張︰「我抱下女兒都要戴口罩。」更是爲了家中大家的健康，今年謝絕拜年。
劉愷威想再生娃
劉愷威講到明追多一個：「我喜歡熱鬧，所以過幾年或者再要一個小朋友!」
楊冪生病
2月 25日，楊冪在微博話自己感冒，雖然好攰，但時差關係瞓唔到覺，難怪心情麻麻。
劉丹與一班《愛.回家》演員感情要好，黎諾懿等人在劉愷威結婚時，更贈送楊冪多款金器。不過據知衆人今年都冇得上劉家拜年。
週日( 1日)，楊冪由香港返回內地出席活動。在機場現身的她有助手攞行李，看來心情不錯。
上年父親節，劉愷威大曬與女兒合照，這亦是小糯米唯一一張容貌曝光的照片。
楊冪爲女吃醋
小糯米週一( 2日)第一次講說話叫「爸爸」。劉愷威心情自然靚靚，楊冪就扮唔押醋，話有人對住公仔都系叫爸爸。劉愷威即刻冧番老婆，但留言話明系女女叫自己做爸爸。
小糯米黐爹的
講起小糯米，劉愷威冧爆，更自爆小糯米黐佢多過黐媽咪。「今個新年我真系抱女抱番夠本。小糯米好似鍾意我呢個爹的多啲，呢個女好奇心好重，聽到有少少聲就周圍望，見冇人理佢，佢又會o依o依哦哦，成個管家婆咁。」
劉愷威又話想同小糯米追個細佬妹。「我鍾意熱鬧，小朋友有兄弟姊妹，至知道乜野叫手足之情，所以過幾年或者再要多一個小朋友，睇緣份啦!我同太太有共識，趁呢幾年賺多啲錢，個女大啲就多啲時間陪佢，因爲佢依家已經識認人。」楊冪肯再造人，看來小糯米好快做家姐!
當衆換片
楊冪初三來港時，在機場被網友發現她親自替女兒當衆換尿片。
楊冪不時爲女兒扮靚，早前更把她打扮成國寶，勁搞笑。
爲了趕回家過年，劉愷威早前趕住爲內地劇《千金女賊》埋尾。他飾演黑幫幫主，和內地女星唐嫣及臺灣型男楊右寧合作。
瑞麗谷
